Мул уңыш алыу серҙәре

– Барлыҡ йәшелсәләргә лә һыу һипкәндә нашатырь спирты һибергә (10 литрга 2 аш ҡалағы);

– шулай уҡ йәшелсәләр сүпрәне лә бик ярата. 100 грамм сүпрәне 10 литр һыуҙа иретеп һипһәң, йәшелсәләр гөрләп үҫә;

– сөгөлдөр татлы булһын өсөн, тишелеп сыҡҡас һәм һирәкләгәс аш тоҙо иремәһе һибергә (10 литр һыуға бер стакан). Был кишер, һуған, һарымһаҡ өсөн дә бик файҙалы;

– помидорҙарҙы фитофторозадан һаҡлау өсөн һөт йәки эремсек һыуына бер тамсы йод тамыҙып һибергә кәрәк. Йәй буйына бер нисә тапҡыр ҡабатлаһаң, яҡшыраҡ;

– помидор һәм ҡыярҙарға 10 литр һыуға 20 тамсы йод ҡушып яһалған шыйыҡсаны вегетация осоронда бер нисә тапҡыр һипһәң, бөрөләре күбәйә һәм ауырыуҙарға ҡаршы тороусанлығы арта;

– һуған көпшәкләнмәһен өсөн ултыртыр алдынан сәй содаһы иремәһенә һалып торорға кәрәк. Бер литр һыуға бер сәй ҡалағы сода алына;

– иртә яҙҙан еләктәргә марганцовка иретмәһе һибергә, ә сәскә атыр алдынан йод иретмәһе. 10 литр һыуға – 10 тамсы;

– йодлы һыуҙы шулай уҡ кәбеҫтә лә бик ярата. ул башлана башлағанда һибеү яҡшыраҡ. 10 литр һыуға – 40 тамсы. Һәр төп кәбеҫтәгә бер литр иретмә кәрәк.