Рак килтереп сығарыусы дарыуҙар билдәле

Ҡурҡыныс дарыуҙар исемлегенә “Валз”, “Диован”, “Нортиван”, “Микардис” һәм тағы бер нисә препарат ингән.

Уларҙың составында сартан төркөмөнә ҡараусы матдәләр бар. “Росздравнадзор” етештереүселәрҙән дарыуҙарҙы составында нитрозаминнар булыу-булмауға тикшереүҙе талап иткән.

Нитрозаминдар — рак килтереп сығарыусы ағыулы матдәләр. Организмға эләккәс, улар бауырға зыян килтерә, ҡан һауҙыра, көҙән йыйырыуға һәм хатта комаға килтереп еткерергә мөмкин.

"Ҡыҙыл таң" гәзитенән.