Баҡсасы кәңәштәре

– барлыҡ йәшелсәләргә лә нишатыр спирты өҫтәп һибергә (10 литрға 2 аш ҡалағы);

– шулай уҡ йәшелсәләр сүпрәне лә бик ярата. 100 грамм сүпрәне 10 литр һыуҙа болғатып һипһәң, йәшелсәләр гөрләп үҫә;

– шәкәр сөгөлдөрө татлы булһын өсөн, шытып сыҡҡас һәм һирәкләгәс аш тоҙо иретмәһе һибергә (10 литр һыуға бер стакан). Был кишер, һуған, һарымһаҡ өсөн дә бик файҙалы;

– помидорҙарҙы фитофтороздан һаҡлар өсөн һөт йәки эркет һыуына бер тамсы йод тамыҙып һибергә кәрәк. Йәй буйына бер нисә тапҡыр ҡабатлаһаң, яҡшыраҡ;

– помидор һәм ҡыярҙарға 10 литр һыуға 20 тамсы йод ҡушып яһалған шыйыҡсаны вегетация осоронда бер нисә тапҡыр һипһәң, бөрөләре күбәйә һәм ауырыуҙарға ҡаршы тороусанлығы арта;

– һуған йомшармаһын өсөн ултыртыр алдынан сәй содаһы иремтәһенә һалып торорға кәрәк. Бер литр һыуға бер сәй ҡалағы сода алына;

– иртә яҙҙан еләктәргә марганцовка иретмәһе һибергә, ә сәскә атыр алдынан - йод иретмәһе. 10 литр һыуға – 10 тамсы;

– йод иретмәһен шулай уҡ кәбеҫтә лә бик ярата. Тумалаҡлана башлағанда һалыу яҡшыраҡ. 10 литр һыуға – 40 тамсы. Һәр төп кәбеҫтәгә берәр литр иретмә кәрәк.

Уңышығыҙ мул булһын!