+12 °С
Облачно
Общие статьи
15 Июля 2019, 06:32
“Резина” фатир хужаларына ниндәй яза бирмәкселәр?
Аҡса эшләүҙең ниндәй генә юлдары юҡ! Мигранттарҙы фатирҙарына теркәп байыҡҡандар ҙа етерлек хәҙер.
Мәҫәлән, Түбәнге Тагилда йәшәгән 56 йәшлек ир мунсаһына 3,5 мең кешене теркәгән. Ошонда уҡ 10 мең мигрантты теркәгән офис та табылған.
“Российская газета” яҙыуынса, Башҡортостан Дәүләт Йыйылышы – Ҡоролтай депутаттары Рәсәй Енәйәт кодексына төҙәтмә индерергә тәҡдим итә.
Бындай хужаларға законһыҙ миграцияны ойошторған өсөн енәйәт яуаплылығы янай. Былтыр 12,8 мең кеше яуаплылыҡҡа тарттырылды. Әммә күптәр язаһыҙ ҡала, сөнки инвалид һәм пенсионерҙарҙы мәжбүри эштәргә йәлеп итеп булмай, штраф та түләтеүе ауыр. Төҙәтмә авторҙары яза исемлегенә мотлаҡ эш башҡарыуҙы индереүҙе тәҡдим итә, мәҫәлән, ҡойма буярға, ер ҡаҙырға һ.б.
