Дим буйҙары
-24 °С
Болотло
75 лет Победы
Бөтә яңылыҡтар
Общие статьи
29 Июль 2019, 19:38

Витаминлы йәйғор - смузи

Балалар өсөн йәшелсә һәм емеш-еләктең айырыуса талап ителеүен барыбыҙ ҙа яҡшы беләбеҙ. Тик был аҙыҡтарҙы барыһы ла яратмай.

“Йәшел фрэш”

3 киви;

50 г крыжовник;

1 ҙур йәшел алма;

200 грамм һөт;

100 грамм туңдырма (пломбир).

Емеш-еләкте ҡабығынан әрсеп, алманың эсен алып блендерға һалырға. Пюре хасил булғансы иҙергә. Айырым һауытҡа һалып биргәндә, һөт, туңдырма өҫтәп болғатырға.

“Ҡыярҙан микс”

2 уртаса ҡыяр;

20 г сельдерей;

1 помидор;

3 шаҡмаҡ боҙ.

йәшелсәне блендерҙа әйләндерергә һәм тоҙ, тәмләткестәр, боҙ өҫтәргә.

“Еләк һәм банан

1 стакан еләк;

1 банан;

50 грамм һөт.

Бананды турап, өҫтөнә ҡурай еләген һалырға һәм һөт өҫтәп болғатырға. Теләүселәргә 3 ҡалаҡ һоло киҫәксәләрен (овсяные хлопья), тәменсә бал йәки шәкәр өҫтәргә мөмкин.

“Киви менән кишер”

1 киви;

1/4 лимон;

1 кишер.

Кивины әрсергә, кишерҙе ҡырғыс аша үткәрергә, лимонды ҡабығынан әрсеп турарға. Барыһы ла блендерҙа иҙелә.

“Сәтләүекле смузи”

2 киви;

100 грамм банан;

100 грамм ҡурай еләге;

100 грамм ҡара ҡарағат;

100 грамм сәтләүек (ниндәй булһа ла);

1 ҡалаҡ бал.

Емеш-еләкте блендер аша үткәрергә, ә сәтләүекте айырым ваҡларға кәрәк. Килеп сыҡҡан массаға бал ҡушырға, өҫтөнән сәтләүек һибеп бирергә. Сәтләүек булмаһа, печенье алырға мөмкин.

“Абрикослы йәй”

4 абрикос;

1/2 стакан йогурт йәки кефир;

1/2 стакан һыу;

1 балғалаҡ бал йәки шәкәр.

Йогурт урынына һыу ғына алырға ла мөмкин.

"Йәшлек" гәзитенән.
Читайте нас в