Дим буйҙары
-24 °С
Болотло
75 лет Победы
Бөтә яңылыҡтар
Общие статьи
31 Июль 2019, 12:48

Һаҡлау камераһында ...бала

Хәҙерге йәш ата-әсәләр сауҙа-күңел асыу комплекстарында ял иткәндә йә булмаһа әйбер һатып алғанда, мәшәҡәт булмаһын өсөн ғәзиздәрен автомобилдә ҡалдырып, үҙ йомоштары буйынса йөрөргә лә тартынмай.

Бындай осраҡтар айырыуса һуңғы ваҡытта күбәйҙе. Мәскәү өлкәһенең, мәҫәлән, Сергиев Пасад ҡалаһы супермаркетында бер ҡатын үҙенең ике йәшлек балаһын һаҡлау камераһында ҡалдырып, аҙыҡ-түлек һатып алырға инеп "тайған".

Магазин хеҙмәткәрҙәрен илаған бала тауышы һиҫкәндереп ебәрә. Улар тауыш килгән урынды билдәләп, һаҡлау камераһын асҡас, бәләкәй малайға тап булалар. Ул илауҙан арып, тирләп-бешеп бөткән була...

Әсәй кешегә хеҙмәткәрҙәр бер аҙ шелтә белдергәс, ул оялмай: "Балам үҙе магазинға барғыһы килмәне, ә һаҡлау камераһында ҡалырға теләк белдерҙе, үҙе шунда инеп ятты", - тип аптыратҡан.

Әле был хәл буйынса тәфтишселәр эш алып бара. Ғәзиз балаһын һаҡлау камераһына бикләргә нисек башы еткәндер ҙә, нисек йөрәге әрнемәгән икән "һөйөклө" әсәнең!
Читайте нас в