Ҡабаҡтан - ананас

Кәрәк:

1 кг – тышы таҙартылған, эсе алынған ҡабаҡ (йәш ҡабаҡ булһа һәйбәтерәк)

350 г – ананас һуты, иң осһоҙлоһон алһағыҙ ҙа була.

0,5 ст шәкәр

2/3 сәй ҡалағы лимон килотаһы

Бысаҡ осонда ғына ванилин өҫтәһәгеҙ, ҡабаҡтың әсе тәмен алыр.

Әҙерләү ысулы:

Ҡабаҡтарҙы таҙартып, эсен алып ташлайбыҙ. Кәстрүлгә бөтә ингредиенттарҙы һалып болғайбыҙ ҙа ҡабаҡтарҙы төшөрәбеҙ. Ҡайнап сыҡҡас 15 минут бешерәбеҙ. Стерилләнгән банкаларға һалабыҙ ҙа өҫтөнә сиропты ҡоябыҙ һәм ҡапҡас менән нығытып ябабыҙ. Төрөп, һыуынғансы ултыртып ҡуябыҙ. Ҡабаҡтар ҡартыраҡ булһа, һыу йә һут өҫтәгеҙ.

"Башҡортостан" гәзитенән.