Алманан эремсекле конверттар

Кәрәк була:

Ҡамыр өсөн: эремсек - 150 г.рамм, шәкәр - 75 грамм, йомортҡа - 1 дана, тоҙ - бер семтем, көнбағыш майы - 6 ҡалаҡ. ванилин - 1 ҡап, он - 250 грамм, ҡамыр ҡабыртҡыс (разрыхлитель) - 1 ҡап.

Эслек: алма - 3 дана, шәкәр - 100 грамм, дәрсен (корица) - 1 балғалаҡ.

Һибергә:

-Мәк - 1 аш ҡалағы.

Әҙерләү:

Ҡамырҙы бөтә ингредиеттарын ҡушып баҫып, 20 минутҡа урап һалып торабыҙ. Алманы киҫәктәргә бүләбеҙ. Ҡамырҙы икегә бүлеп 24 см диаметрлы, 5 мм ҡалынлыҡта йәйбеҙ, 8 секторға ҡырҡабыҙ. Һәр өсмөйөштә 3 киҫек (надрез) яһап, ҡалын яғына алманы теҙеп, өҫтөнә шәкәр менән корица һибәбеҙ. Нәҙек яғын әйләндереп конверт яһайбыҙ.Әҙер конверттарҙы майлы табаға теҙеп, өҫтөн 1 йомортҡа һарыһы һәм 0,5 стакан һөт ҡушылмаһы менән һөртөп, мәк һибеп 25 минут тирәһе, алтын төҫкә ингәнсе духовкала бешереп алабыҙ. Хәтәр тәмле була!

https://vk.com