Теш щеткаһын ташламағыҙ

* Ауыҙы тар вазаларҙы нисек таҙартырға белмәйһегеҙме? Ябай дөгө ярҙам итер. Ваза эсенә бер ҡалаҡ дөгө һалығыҙ һәм шуға һабынлы һыу өҫтәгеҙ. Аҙ ғына бутап ебәрһәгеҙ, вазағыҙ яңы алған кеүек булыр.

* Өйөгөҙҙө бесәй тотһағыҙ, был кәңәш һеҙҙең өсөн. Диван өҫтөнәнән бесәй йөнөн йыйып алыу өсөн резина бирсәткә кейегеҙ ҙә, уны еүешләп, диван өҫтөн һыпырып алығыҙ: бесәйҙең йөндәре бирсәткәгә йыйыласаҡ.

* Салат япраҡтарын тоҙло һыуҙа йыуһаң һәйбәтерәк.

* Ағастан эшләнгән мебелде аяҡ кейеме кремы ҡулланып та яңыртырға мөмкин. Төҫөн генә тура килтереп һайлау кәрәк.

* Һыуға аҙ ғына шәкәр һалып, шуның менән сайҡаһығыҙ, ҡулдағы май бөтөр.

* Иҫке теш щеткаһын ташламағыҙ – кафель плиткалар араһын йыуырға бик уңайлы ул.

* Линолеумға элекке матурлығын ҡайтарыу өсөн теш пастаһы менән ялтыратырға кәрәк.

* Ҡәһүә фильтрҙарын телевизор һәм компьютер экрандарын таҙартыу өсөн ҡулланырға була.

''Алға' гәзитенән.