Дим буйҙары
-13 °С
Ҡар
75 лет Победы
Бөтә яңылыҡтар
Общие статьи
26 Сентябрь 2019, 11:14

Һарымһаҡты ҡасан ултыртырға

Беҙҙең төбәктә һарымһаҡты 25 сентябрҙән 15 октябргә тиклем ултыртырға ярай.

Ултыртыу өсөн уртаса һарымһаҡ тырнағы һайлағыҙ. Тырнаҡтарҙы эрерәк булған һайын уңышы яҡшыраҡ була тип күптәр яңылыша. Һарымһактың ҡырыйҙағы тырнаҡтарын ғына алығыҙ. Быны ултыртаһы көндә эшләргә кәрәк. Ултыртыр алдынан тырнаҡтарҙы марганцовка иретмәһенә һалып торорға кәрәк. Һарымһаҡты ҡыяр, борос, ҡабаҡ, кәбеҫтәнән бушаған урынға ултыртырға тырышығыҙ.

Һарымһаҡ ҡышын туңмаһын өсөн түтәлде 5 см ҡалынлыҡта тиреҫ йәки япраҡ менән ҡаплағыҙ. Әлеге ҡаплау ҡар ҡатламының аҙ булып, һыуыҡтар башланғанда һарымһаҡты өшөүҙән дә һаҡлаясаҡ.

Яҙын төндә туңдырмай башлағас, япраҡ ҡатламын алырға онотмағыҙ, юғиһә ул шытымдарҙың сереүенә килтерәсәк.

"Өмөт" гәзитенән.
Читайте нас в