+14 °С
Облачно
Общие статьи
16 Октября 2019, 08:55
Алма тултырылған тауыҡ
Бер тауыҡ түшкәһе, бер ҡалаҡ зәйтүн майы, аҡ май йәки майонез, самалап тоҙ, борос, бер балғалаҡ ҡош ите өсөн тәмләткестәр, 4-5 йәшел (йәшел булмаһа, иң мөһиме ҡаты булһын) алма кәрәк буласаҡ.
Духовканы 220 градусҡа тиклем ҡыҙҙырабыҙ. Ул арала тауыҡты әҙерләйбеҙ. Тышына зәйтүн майы йәки аҡ май һылайбыҙ. Тоҙлайбыҙ, тәмләткестәр һибәбеҙ. Тауыҡтың эсенә алмалар һалып, тегеп ҡуябыҙ. Түшен аҫҡа ҡаратып, ҡыҙған табаға һалабыҙ һәм духовкаға ҡуябыҙ. 220 грдус эҫелектә 25 минут самаһы бешергәс, мейестең ҡыҙыулығын 200 градусҡа ҡәҙәр кәметеп, тағын 25 минут бешерәбеҙ. Духовканы һүндергәс, ризыҡты тағы ла ун минут тирәһе тоторға кәрәк.
“Ғаилә” календарынан.
