Номерһыҙ автомобилдәрҙә йөрөү тыйыласаҡ

2020 йылдың 1 ғинуарынан Рәсәйҙә дөйөм файҙаланыуҙағы юлдарҙа теркәү билдәләре булмаған яңы автомобилдәрҙә йөрөүҙе тыясаҡтар..

Шул рәүешле, хәҙерге ваҡытта гәмәлдә булған яңы машинаны иҫәпкә ҡуйыу өсөн 10 көнлөк срок тураһындағы норма ғәмәлдән чсығарыласаҡ.

Машинаны теркәү менән автомобилде һатҡан дилер шөғөлләнәсәк. Автосалонға документтарҙы ЮХИДИ идараһына тапшырыу, номерҙар әҙерләү, шулай уҡ асҡыстар һәм номер табличкалары менән барлыҡ документтар комплектын автомобиль һатып алыусыға тапшырыу хоҡуғы биреләсәк.

Әлеге яңылыҡ икенсел баҙарҙа һатып алынған автомобилдәргә ҡағылмаясаҡ. Уларҙың элеккесә үк автомобилде иҫәпкә ҡуйыу өсөн 10 көн ваҡыты буласаҡ. Был машина йөрөтөүселәргә үҙ төбәгенә ҡайтыу өсөн ваҡыт кәрәк булыу ихтималы менән бәйле.

“Өмөт” гәзитенән.