Баш кейеме һайлайбыҙ

“Шаҡмаҡ” битле ҡатын-ҡыҙҙарға салма рәүешендәге баш кейемдәре килешмәй. Уларға береттар бик килешә. Вельвет, күн һәм йөн кепкалар ҙа йөҙҙәрен аса.

Ҙур эйәкле ҡатын-ҡыҙҙарға “бәшмәк” формаһындағы баш кейеме кейергә кәңәш ителә. Бүрек ҡолаҡсындарын өҫкә бәйләп кейеүҙе лә бер вариант итеп ҡарарға мөмкин.

Ә тура мөйөшлө йөҙлө гүзәл заттарға ҡолаҡсынлы бүректәрҙән, күләмле күренеүсе башлыҡтарҙан баш тартырға кәрәк. Бәйләнгән баш кейемдәре – улар өсөн.

Түңәрәк йөҙлөлөргә эре итеп бәйләнгән баш кейемдәре, ҙур эшләпә бер ҙә килешмәй. Ә бына бер яҡҡа төшөрөп кейелгән кепка формаһындағы баш кейемдәре уларҙы матур күрһәтә.

Овал формаһындағы битле һлыуҡайҙарға барлыҡ төр баш кейемдәре лә килешә, тиһәк, һис тә яңылышмабыҙ. Шулай уҡ, һуңғы арала модаға кергән капор муйынды ла йылыла тота, үҙенсәлекле лә күренә.

https://kiziltan.rbsmi.ru