Дим буйҙары
-21 °С
Болотло
75 лет Победы
Бөтә яңылыҡтар
Общие статьи
29 Ноябрь 2019, 16:51

эсәк-ҡарынлы бәлеш

Бәлеш әзерләү: Ҡамыры: 500 гр – он, 3/4 стакан – һөт, 2 аш ҡалағы – һары май, 1 шт. – йомортҡа, 0,5 аш ҡалағы – аҡ май, Бәлеш эсе: 700 гр – әсәк, 700 гр – бәрәнге йәки 300 гр – ярма, 100 гр. – һуған, 1 аш ҡалағы — тоҙ, борос, лавр япрағы.

Һыйыр йәки ат эсәктәрен һәм ҡартаһын ныҡлап йыуығыҙ, 30—40 см. киҫәктәргә ҡырҡығыҙ. Һәр киҫәген тиҫкәрегә әйләндереп (сыбыҡ менән йәки нәҙек уҡлау мынан). Сайҡатып һыуыҡ һыуҙа, һыуын алмаштыра-алмаштыра 8—12 сәғәт ебетегеҙ. Һуңынан эҫе һыу менән бешереп эсәктәрҙең лайын таҙартығыҙ ҙа, бер нисә тапҡыр сайҡатығыҙ һаҫыҡ еҫтәре боткәнсе. Әҙерләнгән эсәктәрҙе 1 —1,5 см. киңлегендә турағыҙ.
Йомшаҡ ҡамыр баҫығыҙ. Эсәктәргә туралған һыуған, бәрәнге йәки ярмалар (алдан бер аҙ бешерелгән) , тоҙ, борос ҡушығыҙ. Ҡамырҙы икегә булегеҙ, бер бүлеме (бәлештең аҫты) ҙурыраҡ булырға тейеш. Ҡамырҙан ҙур киҫәген 5-7 мм ҡалынлығында йәйегеҙ һәм майланған, онланған табаға һалығыҙ. Камыр өҫтөнә әҙер фаршты матурлап түшәп һалығыҙ ҙа өҫтөнә икенсе йәйелгән ҡамыр менән ҡаплағыҙ һәм аҫтағы ҡамыр менән берләштереп ситтәрен йәбештереп үрегеҙ. Бәлештен өҫтөндәге ҡамырын уртаһынан тишегеҙ (бешкәндә эсендәге пар сыҡһын өсөн).
Бәлеште 200 С духовкала йәки мейестә 30-40 минут бешерегеҙ.
Читайте нас в