Дим буйҙары
-18 °С
Болотло
75 лет Победы
Бөтә яңылыҡтар
Общие статьи
31 Декабрь 2019, 16:21

2020 йылға йондоҙнамә

Ылаҡ (22.12 – 20.01) Уйығыҙ менән тулыһынса киләһе йылда булырһығыҙ һымаҡ. Тәүге ике ай буталсығыраҡ килер. Күптәр уңға-һулға талпыныр, бер юлы ике-өс эшкә тотонор. Артабан яуаплы осор башланыр. Һеҙҙән һәр саҡ тәжрибә һәм белем талап ителер. Еңел юлдарҙы эҙләргә ҡушылмай, уларҙан файҙа күрмәҫһегеҙ.

һыуғояр (21.01 – 19.02)
Яҡшы хәбәрҙәр килеп торор. Күптәр көс-хәле артҡанын асыҡ тойор һәм ҙур эштәргә тотонорға әҙер булыр. Йондоҙ­ҙар быға ҡаршы түгел. Тик белегеҙ: маҡ­сат­тарығыҙҙы бойомға ашырыу еңел бирелмәҫ. Бының өсөн күп ваҡыт түгерһегеҙ. Бөтә көсөгөҙҙө бирһәгеҙ, йыл башында бер генә ҙур эште тейешенсә башҡарырһығыҙ.
Балыҡ (20.02 – 20.03)
Йылдың бер аҙ ҡатмарлы башланыуы ихтимал. Ниндәйҙер кире ваҡиғаларға осрар­һығыҙ, йыш ҡына күңелегеҙ ятмаған эш менән булырһығыҙ. Был мәлдәрҙе урап үтергә тырышмағыҙ. Артабан еңелерәк бу­лыр. Матди яҡтан уңырһығыҙ. Тик аҡсағыҙҙы һәр саҡ йыйыбыраҡ тотоғоҙ. йәй башындараҡ шәхси тормошоғоҙҙа ыңғай үҙгәрештәр көтөлә. Күптәр оҙаҡ уйлап йөрөгән маҡсаттарына ирешер.
Ҡуҙы (21.03 – 20.04)
Йыл еңел килмәҫ һымаҡ. Күпселек осраҡта ҡаршылыҡтар менән көрәшергә тура килер. Үҙ фекерегеҙҙе башҡаларға аңлатыу күп көсөгөҙҙө алыр. Ҡайһы бер маҡ­сатығыҙ туҡтап торһа ла, унан баш тартмағыҙ. Нығыраҡ тырышҡан һайын йондоҙ­ҙарҙың ярҙамы ла тосораҡ булыр. Бер-ике айҙан бөтә хәл-ваҡиға яйлап ыңғай яҡҡа үҙгәрер.
Буға (21.04 – 21.05)
Һеҙҙе төрлө ваҡиғаға бай йыл көтә. Эргә-тирәләге хәл тиҙ үҙгәреүсән буласаҡ. Быға һәр саҡ әҙер тороғоҙ. Уңғанлығығыҙ менән башҡаларҙы йыш аптыратыр­һығыҙ, Күптәрҙең һеҙҙең хаҡта ҡарашы ла үҙгәрер. Бәғзеләрҙе үҙ яғығыҙға ауҙара алырһығыҙ, бәлки. Һәр саҡ үҙ һүҙегеҙҙә тороу, фекерегеҙҙе яҡлау бик мөһим.
Игеҙәктәр (22.05 – 21.06)
Һеҙҙе мөһим һәм иҫтә ҡалырлыҡ йыл көтә. Үҙгәреүсән ваҡиғаларға һәр саҡ яуап бирергә кәрәк булыр. Шәхси тор­мошоғоҙҙа ла үҙгәрештәр буласаҡ. Был өлкәлә барыһы ла үҙегеҙҙән тора. Ҡайһы ваҡытта юҡ-бар өсөн борсолорһоғоҙ, ә етди нәмәләргә иғтибар бирмәүегеҙ ҙә ихтимал. Бындай ҡараш йыш хаталаныуға килтереүе бар. Күп эшләргә тура килер. Йыл йомғаҡтары уйлағандан да һәйбәтерәк көтөлә.
Ҡыҫала (22.06 – 23.07)
Йыл һәйбәт башланыр. Тәүге ике айҙа икеләтә эшләй алырһығыҙ. Әүҙем­легегеҙ, яңы ысулдар ҡулланыуығыҙ һәр саҡ ярҙам итеп торор. Файҙалы таныш­лыҡтар ҙа булдырырһығыҙ. Кешеләрҙе аңлауы ауыр булмаҫ. Маҡсат­тарығыҙҙы асыҡ күрәһегеҙ һымаҡ, юлығыҙҙан тайпылмаҫһығыҙ. Апрелдән ҡатмарлы осор башланасаҡ. Йыш ярҙам әҙерләргә, мәсьәләләрҙе бик етеҙ хәл итергә тура килер.
Арыҫлан (24.07 – 23.08)
Еңел йылға өмөт итмәгеҙ. Төп эшегеҙҙә даими ҡыйынлыҡтар буласаҡ. Эштәгеләр менән яҡшы мөнәсәбәттәрҙе һаҡлап ҡалыу ауырға төшәсәк. Ғөмүмән, яны­ғыҙҙағы кешеләр менән дәғүәләр, үпкәлә­шеүҙәр күбәйер. Бәғзеләр эш урынын алмаштырыу тураһында уйлана башлар. Майҙан һуң дөйөм хәлегеҙ ҡырҡа үҙгәрер, моғайын. Башығыҙға яңы уй-фекерҙәр килер, мөмкинлектәрегеҙ ҙә артыр. Эшегеҙ күбәйер, ләкин был һеҙҙе һис тә ҡурҡытмаҫ.
Ҡыҙ (24.08 – 23.09)
Киләһе йылдың тәүге яртыһы тыныс һәм һәйбәт үтер. Бер ниндәй ҙә кире ваҡиға янамай һымаҡ. Ләкин был үҙегеҙҙең фекер-ҡарашығыҙ менән генә бәйле булыр. Матди хәлегеҙ мотлаҡ яҡшырыр. Бынан һуң тормошоғоҙ тағы ла ыңғай яҡҡа үҙгәрер. Йыл аҙағындараҡ ҡыйынлыҡтар ҡапыл күбәйер. Хаталарҙы төҙәтеү ҙә күп көсөгөҙҙө алыр.
Үлсәү (24.09 – 23.10)
Был арала ныҡлап ял итергә тыры­шығыҙ. Бик тиҙҙән һеҙгә көс кәрәк булыр. Ғинуарҙан уҡ эшкә егелергә мәжбүр булырһығыҙ. Кире хәлдәр, дошмандар һәм үҙегеҙҙең етеш­һеҙлектәр менән дә көрәшергә тура килер. Башта үҙ көсөгөҙҙө артығыраҡ баһалап, хаталаныуығыҙ ихтимал. Артабан, һабаҡ алып, эшегеҙҙе ыңғай яҡҡа йүнәлтә алырһығыҙ. Юғалтыуҙар ҙа һағалай кеүек. Шулай ҙа алған тәжрибәгеҙ алтынға тиң булыр.
Саян (24.10 – 22.11)
Яңы йыл өҫтәмә мөмкинлектәр килтерер, тик һеҙҙән тырышлыҡ, түҙемлек һәм әүҙем­лек талап ителә. Үҙгәреүсән ваҡи­ғаларға һәр саҡ әҙер булығыҙ. Шуны онотмағыҙ: иң ауыр саҡта ла йондоҙҙар һеҙгә булышлыҡ итәсәк. Йылдың икенсе яртыһы күпкә тынысыраҡ һәм тотороҡлораҡ көтөлә. Ҡыйынлыҡтар ҙа осрар, тик уларҙы хәл итеү ауырлыҡ тыуҙырмаҫ.
Уҡсы (23.11 – 21.12)
Йыл һәйбәт башланыр. Ике-өс айҙа күпкә өлгәшерһегеҙ. Тик ныҡышмал булы­ғыҙ. Хатта икеле маҡсаттарығыҙҙы ла тор­мошҡа уңышлы ашырырһығыҙ. Уңайлы мәлдәр ҙә йыш осрар, моғайын. Ғөмүмән, бик күп эшләр­һегеҙ. Уның һөҙөмтәһен байтаҡ ваҡыт үткәс кенә күрерһегеҙ. Борсолоуҙарығыҙ юҡҡа булмаҫ, өмөттәрегеҙ күпселек осраҡта мотлаҡ аҡланыр.
"йәшлек" гәзитенән.
Читайте нас в