Бөйөк Еңеүгә арнала!

Өфөлөләрҙе һәм баш ҡала ҡунаҡтарын Бөйөк Ватан һуғышында еңеүҙең 75 йыллығына арналған сарала ҡатнашырға саҡыралар: 30 ғинуар Каруанһарай майҙанында «Еңеүгә тиклем 100 көн» стелаһын асыу тантанаһы үтәсәк.

Тап 30 ғинуарҙан алып Бөйөк Еңеүҙең 75 йыллығын тантана итеүгә 100 көн ҡалыуы тураһында иҫәп башлана.

Башлана сәғәт 17.00.

Сарала Бөйөк Ватан һуғышы һәм хеҙмәт ветерандары, патриотик клуб һәм йәмәғәт берләшмәләре тәрбиәләнеүселәре һәм башҡа почетлы ҡунаҡтар ҡатнашасаҡ. Тантанала һуғыш йылдары йырҙары яңғыраясаҡ, «Арғымаҡ» төркөмө сығыш яһаясаҡ.