Дим буйҙары
+12 °С
Ясна
Бөтә яңылыҡтар
Общие статьи
29 Ғинуар 2020, 21:05

20.02.2020 – кәләш һәм кейәүҙәр өсөн!

Башҡортостанда матур датала - 20.02.2020 - никахлашырға теләүселәр арта, тип хәбәр итә Юстиция эштәре буйынса дәүләт комитеты.

Әлеге ваҡытта республика ЗАГС-тарына никахтарын теркәүҙе һорап 262 ғариза бирелгән, 99-ы – Өфө ҡалаһында.
22 февраль көнө кесаҙнаға тура килеүенә ҡарамаҫтан, йәштәр тап ошо көндө һайларға ҡарар иткән. Ғөмүмән, никахлашыусылар матур даталарҙы, бәхетле тормоштоң башы тип иҫәпләп, алдан ҡарап, планлаштырырға ярата. Өҫтәүенә бындай көндө иҫтә ҡалдырыуы еңел.
Тик психологтар календарь көндәренән бигерәк, бер-береңә иғтибарлыраҡ булырға саҡыра. Тотороҡло никахтың нигеҙендә бары ихтирам, түҙемлек һәм һөйөү ятҡанын йәштәр хәтерендә тотамы икән? ЗАГС хеҙмәткәрҙәре өсөн ҡыҙыу көндәр башланды. 20 февралдән тыш, 22 февралдә лә никахлашыусылар күп. Кейәү һәм кәләштәргә бәхет теләйбеҙ!
Фото:yandex.kz
https://bash.rbsmi.ru/
Читайте нас: