Файҙалы кәңәштәр

Ҡышҡы йөн курткаларҙы йыуыр алдынан уның кире яғын әйләндерергә кәрәк, ҡаптырмаларын мотлаҡ рәүештә элергә. Был саралар куртканың эслеге (мамығы, йөнө) ситтәренән килеп сыҡмаһын, элгестәре ватылып ҡуймаһын өсөн эшләнелә. Куртканы махсус шыйыҡ кер йыуыу порошогы һалып йыуығыҙ. Сайҡатырға ла еңел булыр.

Әгәр ҙә эсендәге мамығы, йөнө уҡмашмаһын тиһәгеҙ, кер йыуыу машинаһы эсенә 3-4 теннис шары һалығыҙ. Йыуылып бөткәс, элгескә элеп, балконда йә булмаһа тышҡы саф һауаға сығарып киптерегеҙ.