Ҡытайҙың Али-Экспресс посылкалары хәүефлеме

“Һуңғы анализдарға ярашлы, беҙгә коронавирустарҙың хат йәиһә посылка ише әйберҙәрҙә оҙаҡ йәшәмәүе билдәле”, - тип яҙа ВОЗ. Тикшеренеүҙәр шуныһын да асыҡлаған: коронавирус организмдан тыш оҙаҡ йәшәмәй, тап шуға уны йоҡтороу ҡурҡынысы юҡ.

ВОЗ шуны ла иҫкәртә: составтарында антибиотиктар булған медицина препараттары 2019-nCoV коронавирусын дауалауҙа йәиһә профилактикалауҙа ҡулланылырға тейеш түгел, сөнки антибиотиктар бары тик бактерияларға ҡаршы ғына көрәшә. “Бөгөнгө көндә был вирусты дауалар өсөн махсус билдәләнгән дарыуҙар юҡ”, - тип белдерә Бөтә донъя һаулыҡ һаҡлау ойошмаһы. Йорт хайуандары яңы инфекцияны кешегә йоҡтора аламы тигән һорауға ойошма белгестәре ундай хәбәрҙәр йәиһә дәлилдәр булмауын әйтә.