+28 °С
Болотло
Общие статьи
14 Февраль 2020, 06:10
Башҡорт тарихи-мәҙәни үҙәктәре арта
Рәсәй Федерацияһы төбәктәрендә башҡорт халҡы күпләп йәшәгән урында тарихи-мәҙәни үҙәктәр төҙөләсәк. Был турала Башҡортостан Республикаһы Хөкүмәте ҡарарына республика Башлығы Радий Хәбиров ҡул ҡуйҙы.
Башҡорт тарихи-мәҙәни үҙәктәре Ҡурған, Ырымбур, Свердловск, Силәбе өлкәләрендә, Пермь крайында, Татарстан Республикаһында, Ханти-Манси автономиялы округында барлыҡҡа киләсәк. Улар Башҡортостан Халыҡтар дуҫлығы йорто филиалдары исемлегенә инәсәк.
Башҡортостан Республикаһы Финанс министрлығына 2020 йылдың 1 февраленән башлап, йыл һайын тарихи-мәҙәни үҙәктәр эшмәкәрлеген тәьмин итеүгә 15,4 миллион һум аҡса бүлеп биреү йөкмәтелде.
Былар барыһы ла “Мәҙәниәт” милли проектына ярашлы тормошҡа ашырыла.
Фотоkulturarb.ru
#нацпроекты;
#региональныепроекты;
#региональныепроекты;
