Матур даталар дауам итә

Һандар донъяһын өйрәнеүсе белгестәр һәр һанға ниндәй ҙә булһа мәғәнә бирә, уның төрлө йәһәттән тәьҫирен аңлата. Мәҫәлән, “2” – улар фекеренсә, финанс йәһәттән уңыш килтереүсе һан.

Әлбиттә, һандарҙың ниндәйҙер тылсымына, тәьҫир көсөнә ышаныу-ышанмау – һәр кемдең үҙ эше. Әммә өйләнешкән йәш парҙар араһында никахын тап ошондай даталарҙа теркәтергә теләүселәр бермә-бер арта. Мәҫәлән, ундайҙар 20 февралдә лә күп кенә булмаҡсы. Ғинуар аҙағына, билдәле мәғлүмәттәрҙән күренеүенсә, республика ЗАГС-тарына 20 февралдә никахын рәсми теркәтергә теләүселәрҙән 262 ғариза ҡабул ителгән, уларҙың 99-ы – Өфө ҡалаһынан. “20 февраль кесаҙнаға тура килә, әгәр ул йома йәки шәмбе булһа, ғаризалар тағы ла күберәк булыр ине”, - ти ЗАГС хеҙмәткәрҙәре.

Фото: ogniagideli.rbsmi.ru

Башинформ.