В.Путин короновирус буйынса бөтәһе лә контролдә тотола..."

Дәүләт башлығы билдәләп үтеүенсә, Русия Хөкүмәте ауыруҙың таралыуына ҡаршы көрәшеү өсөн барлыҡ кәрәкле сараларҙы күрә. Президент был аҙымдарҙың барыһы ла һөҙөмтәле булыр, тип өмөтләнә.

Шул уҡ ваҡытта Путин асыҡлауынса, коронавирус арҡаһында донъя иҡтисадында тиҫкәре һөҙөмтәләр күренә инде. Русия Президенты шулай уҡ барлыҡ дәүләттәрҙең дә хәҙер үҙ ара бәйле булыуын әйтте, шуға күрә коронавирус йоғонтоһо бөтә донъяның иҡтисадына ҡағыла.

Шулай уҡ Президент белдереүенсә донъя иҡтисадындағы хәл насарайған осраҡта ла Русия тотороҡлолоҡто һаҡлап ҡаласаҡ. Путин билдәләүенсә, Мәскәү кризис ваҡытында тотороҡлоҡто тәьмин итеү өсөн етәрлек тупланған резервларға эйә.