"Зебра" кексы

Был ризыҡты бешереү өсөн
-500 г. кефир
- 1 стакан шәкәр ҡомо
- 4 йомортҡа
- 1 сәй ҡалағы сода, уны һүндереү кәрәкмәй, кефирҙа үҙе һүнә
- 0.5 стакан көнбағыш майы
- 1.5 стакан тирәһе он (уныһын үҙегеҙ самалап алығыҙ, әллә ни ҡуйы ла, үтә ныҡ шыйыҡ та булмаһын) алына.
Бөтәһен дә бергә ҡушып, миксер менән болғатырға.
Ике тигеҙ өлөшкә бүлергә, бер өлөшөнә какао ҡушырға, күпме теләйһегеҙ шулай күләмдә, 4-5 аш ҡалағы тирәһе булһа ла ярай.
Майлы табаға аш ҡалағы менән табаның уртаһына ғына өҫтө - өҫтөнә шыйыҡ ҡамырҙы һалып тик барырға. Ҡамырҙы һалып бөткәс, һүрәттәге кеүек матур биҙәкте эшләр өсөн, зубочистка менән уртаһынан ситкә ҡарай һыҙып сығырға, һыҙыҡтарҙың аралары ныҡ яҡын булмаһын, шунан шул һыҙыҡтар араһынан таба ситенән уртаға ҡарай киренән һыҙып сығыр кәрәк, матур булып сыға!
Ҡыҙыу духовкала бешереп алырға, бешкәнлеген бысаҡ менән сәнсеп йәки зубочистка менән төртөп тикшереп ҡарарға.