Тәүге взносты кәметергә ҡушты

РФ Президенты Владимир Путин балалы ғаиләләр тораҡ өсөн кредит алған осраҡта, беренсе взносты 15 процентҡа – минималь күләмгә тиклем төшөрөү сараларын әҙерләргә бойороҡ бирҙе.

Ил башлығы быны 20 майға ҡәҙәр эшләргә ҡушты.

Яңы программаның үтәлеше өсөн премьер-министр Михаил Мишустин яуаплы.

Бынан алдараҡ, Михаил Мишустин йыллыҡ ставкаһы 6, 5 процент тәшкил иткән ташламалы ипотека программаһын раҫлағайны.

Ул программа буйынса, рәсәйҙәр ағымдағы йылдың 1 ноябренә ҡәҙәр ипотека кредиттары алыу мөмкинлегенә эйә.

Мәскәү, Мәскәү яны, Санкт-Петербург, Ленинград өлкәһендә йәшәүселәргә 8 млн һумға ҡәҙәр ипотека алыу рөхсәт ителһә, башҡа төбәктәрҙә йәшәүселәр 3 млн һумға ҡәҙәр иҫәп тота ала.

#ВладимирПутин