Шифалы ризыҡ әҙерләп ҡарағанығыҙ бармы?

Ә файҙаһы әйтеп бөтөргөһөҙ Әйтәйек, күрәгә – калий сығанағы, йөҙөм – баш мейеһе өсөн, ҡара емеш – эсәктәр өсөн кәрәк, сәтләүек – май сығанағы, ул ҡан тамырҙары-йөрәк ауырыуҙарынан һаҡлай. Бал менән лимондың файҙаһы тураһында әйтеп тә тораһы юҡ.Был ҡатнашманы әҙерләү өсөн кәрәк:

300 г әстерхан сәтләүеге, 300 г күрәгә, 300 г инжир, 300 г ҡара емеш, 2 стакан бал, 2 лимон. Кипкән еләк-емеште һәм лимонды йыуып, иттартҡыстан үткәрергә, шуға бал ҡушып, быяла банкаға һалырға. Әлеге ҡатнашманы һыуытҡыста һаҡларға.Уны көнөнә 2-3 тапҡыр 1 сәй ҡалағы ҡабып ҡуйырға кәрәк. Әлеге ҡатнашманы даими ҡулланырға була. Бөткәс, 1-2 ай тәнәфес яһап, тағын дауам итергә мөмкин.

Фото: medicinf.ru

kiziltan.rbsmi.ru