Иммунитетты нығытыу өсөн

Әҙерләү өсөн 150 грамм бал, 200-300 грамм ҡабаҡ, бер лайм, ике лимон һәм имбирь, 150 грамм шәкәр кәрәк.

Лимон менән лаймды ҡайнар һыу менән бешекләп алырға. Ҡабаҡ менән имбирҙең ҡабығын таҙартып, ваҡлап турарға. Һуңынан блендер менән иҙергә. Лимон менән лаймдың һөйәктәрен алып, ҡабығы менән бергә турарға һәм барыһын барыһын бер һауытҡа һалып, бал менән шәкәр өҫтәргә. Ҡатнашманы блендер менән яҡшылып иҙергә.

Был шифалы һәм тәмле дарыуҙы сәйгә ҡушып эсергә мөмкин.

"Башҡортостан календары"нан алынды.