Ҡупшыҡай ҡыҙылтүш

Беҙҙең яҡтарға улар көҙөн-ҡышын әскелтем миләш, балан емештәрен ауыҙ итергә, саған ағасы бөрөләрен сүпләп туҡланырға ҡайта. Ҡыштың икенсе яртыһында Уралдың һалҡын, ҡарлы-буранлы ҡышынан туйып, әкренләп көньяҡҡа юл алалар.

Йәй һуҙымында күкһел-зәңгәр төҫтәге ваҡ төрткөләр менән ҡапланған йомортҡа һалалар. Инә ҡош уларҙы 13-15 көн тирәһе баҫып ултыра. Атаһы ашарға ташый, һирәк-һаяҡ инәһен алмаштыра. Ҡошсоҡтар май айында һәм июндең беренсе яртыһында донъя күрә. Ояла 15-16 көн тирәһе йәшәйҙәр.

Улар –йырсы ҡош. Инәләре бигерәк тә оҫта була: ҡайһылары башҡа ҡоштарҙың һыҙғырыуын отоп алып та ҡабатлай.

Беҙҙең яҡтарҙы ваҡытлыса төйәк иткән ҡыҙылтүш ҡыш көнө тирә-яғыбыҙҙы йәмләй.

Ләйлә Ғүмәрова әҙерләне.