Йәһәт кенә әҙерләнгән ит бәлеше

Кәрәк: 2 йомортҡа, 0,5 сәй ҡалағы тоҙ, 1 ст он, 1 ст кефир, 0,5 сәй ҡалағы сода.

Эслек: 300 гр фарш, 2-3 баш туралған һуған, самалап тоҙ, борос.

Кефирҙы сода менән ҡушып туғыйбыҙ ҙа, 5 минутҡа ҡуйып торабыҙ. Артабан башҡа ҡатнашмаларҙы ла һалып, ныҡ ҡына бутайбыҙ. Форманы майлап шуға ҡамырҙың ярты өлөшөн ағыҙабыҙ. Өҫтөнә фарш менән һуғандан әҙерләнгән эслекте һәм ҡалған шыйыҡ ҡамырҙы ағыҙып бөтәбеҙ. Бәлеш 170 градус эҫелектә 40 минут тирәһе бешә.

Фото: асыҡ сығанаҡтарҙан