Үҙебеҙҙә етештерелә башлай

Элегерәк «Зифа», «Луч» порошоктарын теләп алғаныбыҙҙы күптәр хәтерләйҙер. Һуңыраҡ улар һатыуҙан юғалды. Баҡһаң, сит илдә сығарылғандары менән ярыша алмайынса, етештерелмәй башлаған булған. Хәҙер улар ҡабаттан һатыуға сыға.

Кисә «ВДНХ-Экспо» күргәҙмәләр комплексында асылған «Газ. Нефть. Технологии – 2021» күргәҙмәһендә Башҡортостан Башлығы Радий Хәбиров видеоэлемтә тәртибендә «Башҡортостан сода компанияһы»нда «Эколь» кер йыуыу порошогы производствоһын асты.

Былтыр октябрҙә объектҡа республика Башлығы Радий Хәбиров барҙы. Ул кер йыуыу порошогы сығарыуҙы яңыртырға ҡушты. Быйыл ғинуарҙа проект «Инвестиция сәғәте»ндә тикшерелде. Инвестиция күләме 275 миллион һум тәшкил итте, 125 эш урыны булдырылды.

Магазиндарҙа «Луч», «Зифа», «Зифа эконом», «Зифа автомат» порошоктарын күрһәгеҙ, ҡурҡмайынса һатып алырға була.

Фото: республика Башлығы сайтынан

belizv-b.rbsmi.ru