Дим буйҙары
-3 °С
Болотло
Бөтә яңылыҡтар
Общие статьи
4 Сентябрь 2022, 20:56

Бала өсөн

Бар хәстәрем, бар хәсрәтем – Бала өсөн.

Бала өсөн
Бала өсөн

Хеҙмәтем дә, хөрмәтем дә –
Бала өсөн.
Үкенеүҙәр, үтенеүҙәр –
Бала өсөн.
Йоҡоһоҙ төн, тынғыһыҙ көн –
Бала өсөн.
Утҡа, һыуға уҡталыуым –
Бала өсөн.
Сығыр юлдан туҡталыуым –
Бала өсөн.
Таңдан әүәл ҡайнар аш та –
Бала өсөн.
Тәгәрәгән ҡайнар йәш тә –
Бала өсөн.
Төндәр тыуһа, көндәр көтәм
Бала өсөн.
Күңелемдә йырҙар йөрөтәм
Бала өсөн.
Иртә-кисен йөрәк хисем –
Бала өсөн,
Барлыҡ эшем, барлыҡ көсөм –
Бала өсөн.
Янам-түҙәм, көйәм-һүнәм
Бала өсөн.
Ғорур башты түбән эйәм
Бала өсөн!

Фәниә Чанышева.

Бала өсөн
Бала өсөн
Автор:
Читайте нас: