Республикала ҡыяр, колбаса һәм картуф арзанайған

Башҡортостанстаттың 27 февралгә ҡарата тауарҙарға һәм хеҙмәттәргә хаҡтар мониторингы мәғлүмәттәренә ярашлы, байтаҡ аҙыҡ-түлеккә хаҡтар төшкән.

Ҡыяр бер аҙнала 13,1% арзанайған. Ярым ыҫланған һәм бешерелгән-ыҫланған колбаса – 2,1%, ә картуф 1,8 % осһоҙораҡ. Шулай уҡ икмәк, банан, тоҙ, аҡ май, сыр, тауыҡ ите, һөт арзанайған. Кишергә, шәкәр ҡомона, һарыҡ итенә (һөйәкһеҙ иттән тыш) хаҡтар үҙгәрмәгән, помидор 2,2% ҡиммәтләнгән.

Алдараҡ «Башинформ» Рәсәй Хеҙмәт министрлығының 1 апрелдән социаль пенсияны тағы 3,3% арттырырға йыйыныуы хаҡында хәбәр иткәйне.

https://www.bashinform.ru