Йәшелсәләрҙе йомортҡа ҡабығына ултыртығыҙ...

Баҡсасыларҙың иң ҡыҙыу осоро етте. “Яҙын ни сәсһәң – көҙон шуны урырһың”, — тиҙәр бит. Әле сәскәндән һуң йәшелсәләрҙе туҡландырып торорға ла кәрәк. Әфлисун һәм йомортҡа ҡабығында үҫентеләрҙең яҡшырак үҫеүен белә инегеҙме?

Бының өсөн әфлисунды урталай бүлеп, эсен алырға ла, шуның эсенә тупраҡ тултырып, орлоҡ сәсергә генә кәрәк. Ҡабыҡ төбөн тишергә онотмағыҙ. Әфлисун ҡабығы тарҡалған һайын, йәш үҫентене туҡлыҡлы матдәләр менән тәьмин итеп торасаҡ. Бындай файҙалы сүлмәктәрҙе йомортҡа ҡабығынан да яһарға мөмкин. Ул үҫемлекте кальций менән туҡландырасаҡ.

kiziltan.ru