Республикала башҡорт аты ғилми-тикшеренеү институты булдырыла

Башҡортостан Башлығы указы менән республикала «Башҡорт тоҡомло аттарҙы өйрәнеү буйынса ғилми-тикшеренеү институты» автономиялы коммерцияға ҡарамаған ойошма булдырыла.

Документ хоҡуҡи мәғлүмәт порталында баҫылған. Ойоштороусы итеп ауыл хужалығы, мәғариф һәм мәҙәниәт министрлыҡтары тәғәйенләнә. Указдың үтәлешен контролдә тотоу Башҡортостан хөкүмәте вице-премьеры Илшат Фәзрахмановҡа йөкмәтелә.

Башинформ хәбәр иткәнсә, 11-13 августа Баймаҡ районында «Башҡорт аты» фестивале ойошторола. Һабантуйҙарҙа ат сабышы чемпиондары тураһында тулыраҡ бында уҡырға мөмкин.

https://www.bashinform.ru