Башҡортостанда 70 пар «Мөхәббәт һәм тоғролоҡ өсөн» миҙалы менән бүләкләнә

Республика Хеҙмәт министрлығының матбуғат хеҙмәтенән хәбәр итеүҙәренсә, миҙал 25 йылдан ашыу татыу ғүмер кисергән, ғаилә традицияларын һаҡлаған, лайыҡлы балалар тәрбиәләгән ғаиләләргә тапшырыла.

Миҙалдың бер яғында байрам символы — аҡ сәскә, икенсеһендә кенәз Петр һәм уның тоғро ҡатыны Феврония төшөрөлгән. Миҙал менән бергә ныҡлы ғаиләләргә танытмалар һәм махсус билдә тапшырыла.

Башинформ

Фото:Башҡортостандың Хеҙмәт министрлығы