Ғаилә, мөхәббәт һәм тоғролоҡ көнөндә республикала 235 пар өйләнешкән

«Башинформ» хәбәр иткәнсә, был байрам Бөрөлә республика ғаилә фестивале менән билдәләнде. Унда Андрей Назаров хәләл ефете Лариса Назарова менән 25 йылдан ашыу бергә татыу ғүмер кисергән һәм балаларын йәмғиәттең лайыҡлы ағзалары итеп үҫтергән биш парға «Мөхәббәт һәм тоғролоҡ өсөн» миҙалын тапшырҙы.

«Республикабыҙҙа ныҡлы, матур ғаиләләр күп. Йыл һайын беҙ ошондай 70 миҙал тапшырабыҙ. 2013 йылдан Башҡортостанда 800-гә яҡын пар йәмәғәт наградаһы менән бүләкләнде. Йәш ғаиләләргә уларҙан өлгө алырға мөмкин», - тип яҙҙы Башҡортостан премьер-министры социаль селтәрҙә.

https://www.bashinform.ru