Башҡортостанда эҫе һәм ваҡыты менән ямғырлы һауа торошо һаҡлана

Алдағы өс көндә Башҡортостанда эҫе һәм ваҡыты менән ямғырлы һауа торошо һаҡлана, тип хәбәр иттеләр «Башинформ»ға Башгидрометтан.

Бөгөн республикала урыны менән ҡыҫҡа ваҡытлы ямғыр яуа, көндөҙ йәшен. Ел төньяҡ-көнбайыштан талғын, көндөҙ көсәйеүсән. Һауа температураһы көндөҙ +24, +29°.

4 августа яуым-төшөм булмай, Башҡортостандың төньяғында ҡыҫҡа ваҡытлы ямғыр, йәшен көтөлә. Ел төньяҡтан, төньяҡ-көнбайыштан, урыны менән көсәйеүсән. Һауа температураһы төндә +12, +17°, көндөҙ +24, +29°.

5 августа һауа торошо әллә ни үҙгәрмәй. Йәнә яуым-төшөмһөҙ, республиканың төньяғында ҡыҫҡа ваҡытлы ямғыр, йәшен. Ел төньяҡтан, төньяҡ-көнбайыштан. Һауа температураһы төндә +12, +17°, көндөҙ +24, +29°.

https://www.bashinform.ru