Владимир Путин Башҡортостанда яңы судьялар тәғәйенләне

Рәсәй президенты Владимир Путин «Федераль судтарҙың судьяларын тәғәйенләү һәм Рәсәй федерацияһы субъекттары судьяларының квалификация коллегияларында Рәсәй федерацияһы президентының вәкилдәре тураһында»указға ҡул ҡуйҙы.

«Башинформ» асыҡлауынса, рәсми хоҡуҡи мәғлүмәт интернет-порталында баҫылған. Документҡа ярашлы, республиканың юғары суды судьялары итеп Алһыу Ҡужбаева һәм Лина Насырова, Әбйәлил район суды судьяһы – Алеся Дмитренко, Бәләбәй ҡала суды судьялары - Таисия Кудряшова һәм Роза Хәсәнова, Салауат ҡала суды судьяһы – Индира Минәзова тәғәйенләнгән. Айҙар Ғәликәев, Лиана Гәрәева, Диана Савельева һәм Зөлфиә Хәмиҙуллина республиканың арбитраж суды судьялары итеп тәғәйенләнде.

https://www.bashinform.ru