Файҙалы йәй

Мәктәп һәм колледж уҡыусыларының йәйге каникулдары, ҡыҙғанысҡа ҡаршы, ҡайһы бер егеттәр һәм ҡыҙҙарҙыҡы кеүек тамамланыуға бара. Сөнки yҫмерҙәр буш тормош, күңел асып hәм ҡояшта ҡыҙынып ҡына ҡалмай, ә аңлы рәүештә яңы уҡыу йылына бер аҙ аҡса эшләргә теләгән, hәм улар «Вектор» йәштәр үҙәге ярҙамында hәм район халҡының Мәшғүллек үҙәге аша төрлө эшкә урынлашҡан. Бына инде бер нисә йыл республикала «14 йәштән 18 йәшкә ҡәҙәрге бәлиғ булмағандарҙы уҡыуҙан буш ваҡытта эшкә урынлаштырыу» Федераль программаһы тормошҡа ашырыла. 2023 йылда әлеге программа буйынса Халыҡты эш менән тәьмин итеү үҙәге аша 133 бала ваҡытлыса эшкә урынлашҡан.

Район масштабында бәлиғ булмағандарҙы эшкә урынлаштырыуға ярҙам итеү менән нигеҙҙә «Вектор» йәштәр үҙәге шөғөлләнә. Район хакимиәте Халыҡты эш менән тәьмин итеү үҙәге менән берлектә был маҡсаттарға үҫмерҙәрҙең башҡарған эштәренә түләү өсөн финанс саралары бүлеп бирә.

— Быйыл 3 июлдән 31 авгусҡа ҡәҙәр район үҙәгендә һәм Бәләбәй механикалаштырыу hәм электрлаштырыу колледжы филиалындағы 14 йәштән 18 йәшкә тиклемге 36 балаға эшкә урынлашырға ярҙам иттек, — ти «Вектор» йәштәр үҙәгендәге кадрҙар эшсәнлеге буйынса белгес Зөлфиә Дамир ҡыҙы Әхмәтшина. — Улар барыһы ла эшкә урынлашты hәм Бишбүләк ауылында үҙҙәренә яҡшаған шөғөл тапты. Бишбүләк ауыл Советы ауыл биләмәһе башлығы бәлиғ булмағандарға билдәле бер эш төрөн билдәләй. Ул бит башҡарылған эште иҫәпкә алыу таблицаһын алып бара. Был нигеҙҙә парктарҙа

hәм скверҙарҙа hәм район үҙәгенән яҡын шишмә буйыҙарында сүп-сар йыйыу. Һәр үҫмер ун көн дауамында (көн һайын) бер сәғәт билдәле бер эш башҡара hәм бының өсөн хеҙмәт хаҡы ала.

Был ҙур сумма булмаһа ла, бала эшһеҙ ҡалыу йәки законһыҙ ғәмәлдәр ҡылыу урынына үҙ-үҙенә аҡса эшләргә өйрәнә.

— Мин район үҙәгендә йәшәйем һәм Бәләбәй колледжы филиалында ашнаҡсыға уҡыйым, быйыл икенсе курсҡа күстем, — тип уртаҡлашты Карина Иванова Бишбүләк ауылының Йәштәр скверында осраҡлы осрашыуҙа. — Бында юлдарҙы һеберәм hәм урналарҙан сүп-сарҙы йыям. Халыҡты эш менән тәьмин итеү үҙәге аша ваҡытлыса эшкә урынлаштым. Бер аҙ аҡса эшләү ҡарарға тигән ниәт бер миндә генә түгел. Беҙҙең уҡыу йортонан минең менән бергә тағын алты егет эшкә урынлашты. Улар башҡа эштәрҙә эшләй. Иң мөhиме, мин кешеләр ал-

дында һепертке менән сүп-сарҙы һепереүҙән оялыу хисен еңдем. Күптәр сүп-сар ташлап ҡалдырырға ярата, тик һирәктәр генә уны йыя.

Владимир СМОЛОВ.