Ҡабаҡ һуты

Ҙур кастрюлгә (6 литрлыны алыу ҡулай) ҡабаҡты турап һалабыҙ. Өҫтөнә ҡабаҡты ҡапларлыҡ итеп һыу һалабыҙ. Ҡайнап сыҡҡандан һуң, 15 минут бешереп алырға кәрәк.

Артабан бер аҙ һыуытып алырға ла 10 минуттан һуң, блэндер менән иҙәбеҙ. Шуға 2 әфлисун һуты һалабыҙ, 250 грамм шәкәр ҡомо һәм 0,5 аш ҡалағы лимон кислотаһы, йәки лимон һуты өҫтәргә кәрәк була. Яңынан ҡайнатып сығарабыҙ. Уларҙы стерилләнгән (парлап алған) банкаларға ҡойоп ябырға кәрәк.