Өфөлә конькиҙа фигуралы шыуыу буйынса Рәсәй Гран-прийының беренсе этабы тамамланды

Өфөлә конькиҙа фигуралы шыуыу буйынса Бөтә Рәсәй ярыштарының беренсе этабы тамамланды. Бүләкләү тантанаһында Рәсәй Конькиҙа фигуралы шыуыу федерацияһының генераль директоры Александр Коган һәм Башҡортостандың спорт министры урынбаҫары Артем Новиков ҡатнашты.

Башҡортостандың спорт министрлығынан хәбәр итеүҙәренсә, Рәсәй Гран-прийы ярыштарының беренсе этабы йомғаҡтары буйынса ир-егеттәр араһында беренсе урынды Евгений Семененко яуланы, икенсе урында — Роман Савосин, ә өсөнсөлә — Андрей Мозалев. Ҡатын-ҡыҙҙар араһында пьедесталдың иң юғары баҫҡысында — Аделия Петросян. Анна Фролова — икенсе, Елизавета Куликова өсөнсө урынды алды. Бейеүҙә Елизавета Худайбердиева һәм Егор Базин, Ирина Хавронина һәм Девид Нарижный — икенсе, Софья Леонтьева һәм Даниил Горелкин өсөнсө урынға лайыҡ булды.

https://www.bashinform.ru