142 штрафты түләмәгән

10 ноябрҙә Октябрьский ҡалаһында дәүләт автоинспекцияһы хеҙмәткәрҙәре "Ау" ведомство системаһы ярҙамында 54 йәшлек ир идара иткән "Рено меган"ды туҡтата. ЮХХДИ-ның федераль базаһы мәғлүмәттәре буйынса, автомобиль хужаһы юл хәрәкәте өлкәһендә 98 мең һумлыҡ 142 административ хоҡуҡ боҙоу "йыйған". Урынға ФССП хеҙмәткәрҙәре саҡырыла. Тейешле документтарҙы рәсмиләштергәндән һуң, приставтар автомобилде мәжбүри башҡарыу өсөн штраф туҡталҡаһына ҡуя.

Штрафтар хаҡында ЮХХДИ-ның рәсми сайтында, шулай уҡ рәсми порталда белергә мөмкин: http://www.gosuslugi.ru.

Фото: БР ЮХХДИ.

https://ye102.ru