Йыл символын яһанылар

Күңелле байрамдарҙың береһе – Яңы йылға ла һанаулы ғына көндәр ҡалды. Был тылсымлы байрамды айырыуса балалар көтөп ала торғандыр. Бишбүләк ауылының "Йылмайыу" балалар баҡсаһында көн һайын өлкән төркөмдәгеләр тәрбиәсе апайҙары ярҙамында байрамға әҙерләнә. Малай һәм ҡыҙҙар бар һәләттәрен ҡушып, Яңы йыл символы – Аждаһаны яһаған. Һәр кем үҙе яһаған һүрәтте үҙе менән алған, улар уны Яңы йыл көнөндә шыршы аҫтына һаласаҡ.

Бишбүләк районы «Йылмайыу» балалар баҡсаһы