Ата-әсәләр сабыйҙарына ниндәй исемдәр ҡуша?

Башҡортостанда 2024 йылда тыуған сабыйҙарҙың һирәк осраған һәм популяр исемдәре асыҡланды. Исемлек ЗАГС реестрының мәғлүмәт-аналитика порталында баҫылған.

Әйтәйек, яңы йылда ҡыҙҙарға ҡушылған иң һирәк исемдәр — Есения, Дания, Евгения, Ульяна, Ева. Малайҙар араһында Искәндәр, Ян, Даян, Никита, Таһир исемдәре теркәлгән.

Быйыл 9 ғинуарға тиклем донъяға килгән ҡыҙҙарға ата-әсәләр Эмилия һәм София (5), Амелия һәм Мира(4), Йәсминә (3), малайҙарға иһә Тимур (8), Әмир (6), Матвей (5), Артур һәм Лев (3) тигән популяр исемдәр һайлаған.

https://www.bashinform.ru