Милли ризыҡтарға ҡыҙыҡһыныу арта

 Мәғариф министрлығы тарафынан ойошторолған "Минҽң яратҡан милли ризығым" флешмобына мәктәп уҡыусылары ихлас ҡушылды.

Йәш быуында йолаларыбыҙға, аш-һыуыбыҙға ҡыҙыҡһыныу арттырыу маҡсатында ойошторолған сара бик матур үтте. Эремсек, сәксәк, бауырһаҡ, ҡыҫтыбый – былар барыһы ла яратҡан ризыҡтарыбыҙ. Был юлы ҡыҙҙар ашнаҡсы апайҙары ярҙамында милли ризыҡ - ҡыҫтыбый әҙерләне. Уларҙың һәр береһе үҙ ҡулы менән ҡамыр баҫырға, нисек дөрөҫ итеп йәймә йәйергә өйрәнде. Ҡыҙҙарға аш-һыу бешереү бик оҡшаны. Бергәләп әҙерләгән милли ризығыбыҙ бик тәмле килеп сыҡты. Эш барышында, улар башҡорт аш-һыуының үҙенсәлектәре менән танышты, дөрөҫ туҡланыу тураһында ла фекер алышты. 

Бындай саралар балаларҙа төрлө ризыҡтар әҙерләүҙә ҡыҙыҡһыныу уята. Бигерәктә халҡыбыҙҙың милли үҙенсәлектәрен һаҡлауға, үҫтереүгә, таратыуға етди иғтибар бирелеүе ҡыуаныслы.

https://vk.com/public210652587#