Туған телем - ата-әсәм теле

Был көн ЮНЕСКО тарафынан 1999 йылда ойошторолған ултырышта булдырыла. 2000 йылдың 21 февраленән телдәрҙе яҡлау һәм мәҙәни төрлөлөктө һаҡлау маҡсатында үткәрелә башлай.

Бөгөн, 21 февралдә, Йылболаҡтамаҡ урта мәктәбендә 1-4 класс уҡыусылары өсөн туған телгә арналған сара үтте. Уҡыусылар тел тураһындағы әйтем һәм мәҡәлдәрҙе иҫкә төшөрҙө, шиғырҙар һөйләне. Башҡорт теле һәм татар теле уҡытыусылары туған телдең байлығы менән таныштырҙы, үҙ телеңдә матур итеп һөйләшергә лә саҡырҙы.