Апрелдә балаларҙы 1-се класҡа алыу өсөн ғаризалар ҡабул итеү башлана

Был осорҙа тәү сираттағы йәки өҫтөнлөклө хоҡуҡҡа эйә, шулай уҡ белем биреү ойошмаһына беркетелгән биләмәлә теркәлгән балаларға ғариза бирәләр.

Беркетелгән биләмәлә йәшәмәгән балалар өсөн ғаризалар 6 июлдән ҡабул ителә һәм 5 сентябргә тиклем дауам итә, тип хәбәр иттеләр Өфөнөң мәғариф идаралығында.

Ҡала хакимиәтендә ғариза биреү ысулдарын да иҫкә төшөрҙөләр:

 - «Башҡортостан Республикаһы мәктәптәрен электрон комплектлау» сайтында электрон формала;

- берҙәм дәүләт хеҙмәттәре порталының сервистарын файҙаланып;

- дәүләт һәм муниципаль хеҙмәттәр порталы функцияларын файҙаланып;

- дөйөм белем биреү ойошмаһының электрон почтаһы ярҙамында электрон формала;

- дөйөм белем биреү ойошмаһында;

- заказлы хат менән тапшырырға мөмкин. 

Баланың прописка буйынса ҡайһы мәктәпкә ҡарауын бында белергә мөмкин.