Байбулдиндар ғаиләһе Бөтә Рәсәй фестивалендә ҡатнаша

«Рәсәй ғаиләһе» Бөтә Рәсәй ғаилә ижады фестивале 6-9 июлдә Һамарҙа үтәсәк һәм Рәсәй халыҡтарының төрлө жанрҙағы традицияларын һаҡлаған һәм популярлаштырған ғаилә, туғандар коллективтарын һәм халыҡ йыры һәм музыкаһы, традицион мәҙәниәт, биҙәү-ҡулланма сәнғәтен һаҡлаусы ижади берекмәләрҙе йыясаҡ.

Фестиваль Ғаилә йылына арналған төп федераль саралар планына ингән һәм Рәсәй Федерацияһының «Мәҙәниәтте үҫтереү»дәүләт программаһын тормошҡа ашырыу сиктәрендә Рәсәй Мәҙәниәт министрлығы ярҙамында тормошҡа ашырыла. Һайлап алыу этабы йомғаҡтары буйынса 25 ғаилә Һамарға саҡырыу алған. Улар араһында Сәйетбаба ауылынан Байбулдиндар ғаиләһенең "Бай" ансамбле лә бар.Бар яҡтан да талантлы Байбулдиндар ғаиләһенә уңыштар теләйбеҙ!

tabin-gafuri.ru