Силәбелә үткән һабантуйҙа башҡорт халыҡ һәм эстрада йырҙарын «Ашҡаҙар» эстрада-фольклор төркөмө һәм филармония солистары: Башҡортостан Республикаһының атҡаҙанған артистары Рәмилә Әүбәкирова, Ғафуан Фазуллин һәм Ришат Хәмитов, солистар Илдар Әбдрәшитов, Гүзәлиә Татлыбаева, Зөлфиә Әүбәкирова, Айгиз Уйылданов һәм Зарина Ҡотлоғужина башҡарҙы. Инструменталист Азамат Асаинов ҡурайҙа уйнаны, ә Бейеү театры солисы Лилиә Зарипова «Бишбармаҡ» һәм «Беләҙектәр» бейеүҙәре менән сығыш яһаны.
Һабантуйҙың рәсми өлөшөндә байрам ҡунаҡтарына Башҡортостан Башлығы Радий Хәбировтың сәләмләүен уҡып ишеттерҙеләр, тип яҙа «Республика Башкортостан». Ә Силәбе өлкәһе йәмәғәтселәренә һәм активистарына республика Мәҙәниәт министрлығының маҡтау ҡағыҙҙары һәм рәхмәт хаттары тапшырылды.
Һабантуйҙа «Башҡортостан аҙыҡ-түлеге» проектында ҡатнашыусылар үҙенең тауарҙарын тәҡдим итте.
Фото: Радик Ғиззәтов.
/iuruzan.ru