Өй шарттарында сыр әҙерләү

Ул күп вакытты ла алмай, осһоҙға ла төшә, иң мөһиме, тәмле һәм файҙалы буласаҡ.

Кәрәк була: 1 литр һөт, 1 аш ҡалағы тоҙ, 200 мл ҡаймаҡ, 3 йомортҡа.

Һөткә тоҙ һалып ҡайнатабыҙ. Ҡаймаҡты йомортҡа менән ҡушып болғатабыҙ һәм яйлап ҡына ҡайнап торған һөткә һалабыҙ. 3-4 минут болғатып тороп бешерәбеҙ. Эре киҫәктәр барлыҡҡа килгәс, алдан һанап үтелгән, үҙегеҙ ҡушырға теләгән тәмләткестәрҙе өстәйбеҙ. Сырҙы иләк йәки марля аша һөҙәбеҙ. Һығып, төнгөлөккә ауыр әйбер менән баҫтырып һыуытҡысҡа ҡуябыҙ.

Йәки икенсе рецепт: 1 литр һөт, 1 килограмм эремсек, 1 балғалаҡ сода, 1 балғалаҡ тоҙ, 100 грамм аҡ май, 2 йомортҡа алына.

Был сырҙың тәме сулугуни йәки йомшаҡ брынзаныҡына оҡшаш. Укроп, әстерхан сәтләүеге, зәйтүн емеше, паприка ҡушып яһарға ла була. Һәр кем үҙе яратканса.

1 литр һөт ҡайнап сыҡҡас, уға 1 килограмм эремсек һалып тағын ҡайнатып сығарырға, артабан тағын 30 минут самаһы һүрән утта ҡайнатырға.

Был массаны һөҙөргә, һыуы һарҡып бөткәс 1 бағалаҡ сода һалып болғатырға, ҡатнашма күҙгә күренеп ҡабара. Шуға 1 балғалаҡ тоҙ, 100 грамм аҡ май, 2 йомортҡа һалып яҡшылап төйөрҙәре ҡалмаҫлыҡ итеп болғатырға йәки блендер ҡулланырға.

Артабан һүрән утҡа ҡуйып болғатҡылап торорға, ҡуйыра башлағас уттан алырға.

Сырҙы һауытҡа һалырға, һалҡын урынға ҡуйырға.

Сыр бер нисә көндән тағын да тәмлерәк буласаҡ.

https://muslumirc.ru