Һарымһаҡты ҡасан йыйырға?

Һарымһаҡты ҡасан йыйып алырға икәнлеген белеү өсөн бер нисә уғын һабаҡта ҡалдырырға кәрәк. Ундағы орлоҡ, өлгөрөп, асылһа, тимәк, һарымһаҡты йыйып алырға ваҡыт, тигән һүҙ. Ғөмүмән, һарымһаҡтың тышҡы ҡиәфәтенән сығып эш итергә кәрәк, япраҡтары һарғайған икән, уңышты йыйып алырға мөмкин. Бының өсөн ҡоро (яуым-төшөмһөҙ) көн кәрәк. 

Ҡаҙып алғандан һуң, һарымһаҡты бер-береһенә бәреп тупрағын ҡойорға кәрәкмәй, ул шуның арҡаһында йәрәхәтләнә, шуға күрә уның оҙаҡ һаҡланыу сифаты насарая. Елләтелә торған ҡоро урында киптереү яҡшыраҡ. Ҡояшта түгел. Һабаҡты киҫергә ашыҡмағыҙ, бөтә туҡлыҡлы матдәләр һарымһаҡ башына күсһен өсөн, уны яҡшыраҡ киптерегеҙ!

ye102.ru